一個因為參與抗爭而不幸被殺既人，你覺得佢想唔想其他人係佢身亡當日繼續抗爭？
答案顯然而見。
另一方面，從潘曉穎、梁凌杰，到周梓樂，佢地家人既個人意願，係呢場社會運動既集體意志面前係幾咁微不足道。呢個係社運既殘酷，亦係參與社運既每一個人必須接受既現實。
呢幾個月裡面我感受好深既係，係一場社會運動當中，道德判斷係一個複雜而難以拿捏，但又無法迴避既問題。
我重申下：
1.我認為死者係會希望大家繼續抗爭，但死無對證，大家只能估
2.家屬表達咗同公眾相反或者唔一樣既意願
3.唔只周梓樂，係潘曉穎同陳彥霖既個案都有呢種矛盾出現
4.係一場社運既背景下，家屬個人意願被公眾集體意志凌駕，血緣親屬既權力被社會公權力凌駕，呢種情況道德上係啱定錯好複雜，而係周梓樂既個案我偏向揀公權力一方，同時大家要接受呢種道德上既缺失（侵犯咗家屬意願）
Search